Alislaam Pagsusumikap na Buhayin ang Relihiyong Islam ng Buong buo
Ang Pagmamahal ni Sayyiduna Ali (radhiyallahu ‘anhu) para sa Rasulullah (sallallahu ‘alaihi wasallam)
Noong gabi nang si Rasulullah (sallallahu ‘alaihi wasallam) ay aalis upang magsagawa ng Hijrah sa Madinah Munawwarah, pinalibutan ng mga hindi naniniwala ang kanyang tahanan upang siya ay patayin.
Bago umalis, inutusan ng Rasulullah (sallallahu ‘alaihi wasallam) si Sayyiduna ‘Ali (radhiyallahu ‘anhu) na magpalipas ng gabi sa kanyang tahanan upang isipin ng mga hindi mananampalataya na si Rasulullah (sallallahu ‘alaihi wasallam) ay nasa loob pa rin at hindi nila mamalayan na siya ay umalis na.
Ipinaalam ng Rasulullah (sallallahu ‘alaihi wasallam) si Sayyiduna Ali (radhiyallahu ‘anhu) na poprotektahan siya ng Allah Ta‘ala mula sa mga hindi naniniwala.
Sa panahong ito, sa kabila ng malaking panganib na kanyang kinaharap, si Sayyiduna Ali (radhiyallahu ‘anhu) ay buong pusong naniwala at tinupad ang tagubilin ng Rasulullah (sallallahu ‘alaihi wasallam).
Sa ganitong paraan, si Sayyiduna ‘Ali (radhiyallahu ‘anhu) ay handa na ialay ang sarili niyang buhay alang-alang sa kaligtasan ng pinagpalang buhay ni Rasulullah (sallallahu ‘alaihi wasallam).
Tungkol dito, binibigkas ni Sayyiduna ‘Ali (radhiyallahu ‘anhu) ang sumusunod na tula:
وقيت بنفسي خير من وطئ الثرى ومن طاف بالبيت العتيق وبالحجر
رسول إلٰه خاف أن يمكروا به فنجاه ذو الطول الإلٰه من المكر
وبات رسول الله في الغار آمنا موقى وفي حفظ الإلٰه وفي ستر
وبتّ أراعيهم وما يتهمونني وقد وطنت نفسي على القتل والأسر
Inialay ko ang aking buhay upang protektahan ang buhay ng pinakamahusay na taong tumuntong sa ibabaw ng mundo, at ang pinamabuting tao na nagsagawa ng tawaaf ng Ka’bah at ng Hajr-e-Aswad
(Ito ay walang iba kundi) ang Sugo ng Allah (sallallahu ‘alaihi wasallam), na nanganib sa pakana ng kanyang mga kaaway laban sa kanya. Kaya’t si Allah, ang Siyang pinagmumulan ng lahat ng biyaya, ay nagligtas sa kanya mula sa kanilang masamang balak.
Ang Rasul ng Allah (sallallahu ‘alaihi wasallam) ay nagpalipas ng gabi sa yungib na ligtas, tinatamasa ang banal na proteksyon ng Allah Ta‘ala at pagkatago.
Nagpalipas ako ng gabing pinagmamasdan ang mga hindi naniniwala habang hindi nila inaasahan na ang tao (sa tahanan ng Rasulullah (sallallahu ‘alaihi wasallam)) ay ako (natutulog sa kanyang lugar), at inihanda ko ang aking sarili na dumanas ng kamatayan o mabihag.
