6. Bago at pagkatapos kumain.

Si Sayyiduna Abu Hurairah radhiyallahu anhu ay nag-ulat na si Sayyiduna Rasulullah sallallahu alayhi wa sallam ay nagsabi, at katiyakang sinabi niya, “Kung hindi dahil sa takot na mahihirapan ang aking Ummah, tiyak na ipinag-uutos ko sa kanila (at gagawin itong sapilitan sa kanila) ang paggamit ng miswaak sa oras ng bawat wudhu (gayunpaman, ang paggamit ng miswaak ay hindi sapilitan ngunit isang binibigyang-diin na sunnah)." Sinabi pa ni Sayyiduna Abu Hurairah radhiyallahu, “Dahil sa pagbibigay-diin ng Rasulullah sallallahu alayhi wa sallam sa paggamit ng miswaak, nakaugalian kong gamitin ang miswaak bago matulog, sa paggising, bago kumain at pagkatapos kumain.”

4. Sa oras ng wudhu.

Iniulat ni Sayyiduna Abu Hurairah radhiyallahu anhu na sinabi ni Sayyiduna Rasulullah sallallahu alayhi wasallam, “Kung hindi dahil sa takot ba mahihirapan ang aking Ummah, tiyak na ipag-uutos ko sa kanila na gumamit ng miswaak sa oras ng bawat wudhu (gayunpaman, ang paggamit ng miswaak ay hindi sapilitan ngunit isang binibigyang-diin na sunnah sa oras ng wudhu).”

1. Pagkagising

Iniulat ni Sayyidatuna Aaishah radhiyallahu anha, "Kapag nagigising si Nabi sallallahu alayhi wasallam mula sa kanyang pagtulog, sa gabi man o araw, siya ay nagmimiswaak bago magsagawa ng wudhu."

Dapat tandaan na ang paggamit ng miswaak sa paggising ay isang hiwalay na sunnah at ang paggamit ng miswaak sa oras ng wudhu ay isang hiwalay na sunnah. Samakatuwid, kahit na ang isang tao ay hindi nagnanais na magsagawa ng wudhu upang magsagawa ng salaah sa paggising mula sa kanyang pagtulog (o ang isang babae ay nasa regla, na hindi naman magsasalah), siya ay dapat pa ring gumamit ng miswaak sa paggising.