Alislaam Pagsusumikap na Buhayin ang Relihiyong Islam ng Buong buo
عن أبي هريرة رضي الله عنه قال: قال رسول الله صلى الله عليه وسلم: من صلى علي في كتاب لم تزل الملائكة تستغفر له ما دام اسمي في ذلك الكتاب (المعجم الأوسط للطبراني، الرقم: 1835، وسنده ضعيف كما في كشف الخفاء، الرقم: 2518)
Si Sayyiduna Abu Hurairah radhiyallahu anhu ay nag-ulat na si Sayyiduna Rasulullah sallallahu alayhi wasallam ay nagsabi, “Sinuman ang nagpadala ng Salawat sa akin sa pamamagitan ng pagsulat ng Salawat sa isang kitaab, ang mga anghel ay patuloy na humihingi ng kapatawaran para sa kanya hangga’t ang aking pangalan ay nananatili sa kitaab na iyon.”
Sino ang Kuripot?
Iniulat sa Sharaful Mustafa na sa isang pagkakataon, sa oras ng suhur (pagkain bago magsimulang mag-ayuno), si Sayyidatuna Aaishah radhiyallahu anha ay maytinatagi na isang bagay. Habang nananahi, nawala ang karayom niya at namatay ang lampara. Sa oras na iyon na si Rasulullah sallallahu alayhi wasallam ay pumasok sa silid, at ng dahil sa kanyang pinagpalang ningning, ang buong silid ay naliwanagan. Kaya, nahanap niya ang karayom. Pagkatapos ay kinausap niya si Rasulullah sallallahu alayhi wasallam na nagsasabing, “O Rasulullah sallallahu alayhi wasallam ! Napakaliwanag ng iyong mukha!” Sumagot ang Rasulullah sallallahu alayhi wasallam , “Kawawa ang taong hindi ako makikita sa Araw ng Qiyaamah (yun ay hindi niya ako makikita dahil siya ay mapupunta sa Jahannum dahil sa hindi pagtupad sa aking mga karapatan)!” Nagtanong si Sayyidatuna Aaishah radhiyallahu anha, “Sino ang taong hindi makakakita sa iyo?” Ang Rasulullah sallallahu alayhi wasallam ay sumagot, “Ang taong kuripot.” Si Sayyidatuna Aaishah radhiyallahu anha pagkatapos ay nagtanong, “Sino ang kuripot?” Sumagot ang Rasulullah sallallahu alayhi wasallam , “Ang (kuripot na tao ay) siyang hindi binibigkas ang Salawat sa akin kapag narinig niya ang aking pangalan (yun ay hindi siya nagpapakita ng paggalang sa kanyang Nabi at hindi siya sinusunod, ni pagbigkas ng Salawat sa kanya kapag naririnig ang kanyang pangalan) .”
