Ang Sayyiduna Anas radhiyallahu anhu ay nag-ulat na si Sayyiduna Rasulullah sallallahu alayhi wasallam ay nagsabi, “Ang sinumang bumigkas ng Salawat sa akin ng isang libong beses sa araw ng Jumuah, ay hindi mamamtay hanggang sa maipakita sa kanya ang kanyang tirahan sa Paraiso.”
Si Sayyiduna Umar radhiyallahu anhu ay Pinuri sa Sayyiduna Rasulullah sallallahu alayhi wasallam
Isinulat ng may-akda ng librong Al-Ihyaa na pagkatapos ng pagpanaw ni Sayyiduna Rasulullah sallallahu alayhi wasallam, si Sayyiduna Umar radhiyallahu anhu ay umiyak at nagsabi ng sumusunod: O Sugo ng Allah sallallahu alayhi wasallam, nawa’y isakripisyo ang aking mga magulang para sa iyo! Ang puno ng dates na iyong sinasandalan at iyong pinapatungan sa pag hahatid ng khutbah bago ang paggawa ng mimbar mo ay umiyak pagkatapos mong umakyat sa mimbar, nalulungkot sa iyong paghihiwalay.
Pagkatapos ay ipinasa mo ang iyong kamay sa ibabaw nito at inaliw ito. O Sugo ng Allah sallallahu alayhi wasallam! Ang iyong mga tagasunod ay may higit na dahilan para umiyak sa iyong paghihiwalay kaysa sa puno ng dates na ito (ibig sabihin, mas nangangailangan sila ng iyong pang-aliw sa iyong paghihiwalay).
O Sugo ng Allah ta’ala, nawa’y isakripisyo ang aking mga magulang para sa iyo! Ang iyong katayuan sa Allah ta’ala ay napakataas na ang iyong pagsunod ay ipinahayag na pagsunod sa Kanya. Ang Allah ta’ala ay nagsabi sa Quraan Majeed, “Siya na sumunod sa Sugo ay tunay na sumunod kay Allah.”
O Sugo ng Allah ta’ala, nawa’y isakripisyo ang aking mga magulang para sa iyo! Napakadakila mo sa paningin ng Allah ta’ala na ang iyong mga pagkakamali ay napatawad bago ka pa man lamang humingi ng kapatawaran. Kaya naman, sinabi ng Allah ta’ala sa Quraan Majeed, “Pinatawad ka ng Allah! Bakit mo sila pinahintulutan?”
O Sugo ng Allah ta’ala, nawa’y isakripisyo ang aking mga magulang para sa iyo! Katotohanan, ipinagkaloob ng Allah ta’ala kay Moosa alayhis salam ang himala ng pagpapaagos ng mga ilog mula sa bato, ngunit hindi ito kasing-katangi-tangi kaysa sa pagpapaagos ni Allah ta’ala ng tubig mula sa iyong mga daliri.
O Sugo ng Allah ta’ala, nawa’y isakripisyo ang aking mga magulang para sa iyo! Kung ang hangin ay sumunod kay Sulaimaan alayhis salam at dadalhin siya sa umaga sa layong sakop sa loob ng isang buwan at gayundin sa gabi, ito ay hindi higit na kamangha-mangha kaysa sa iyong paglampas sa pitong langit sa Buraaq at pagbalik sa Makkah Mukaramah sa umaga. Nawa’y ipagkaloob ng Allah ta’ala ang mga pagpapala sa iyo!
O Sugo ng Allah ta’ala, nawa’y isakripisyo ang aking mga magulang para sa iyo! Kung si Isa alayhis salam ay pinagkalooban ng himala ng muling pagbuhay sa mga patay, ito ay hindi higit na kamangha-mangha kaysa sa isang kambing na hinihiwa sa maraming piraso at iniihaw, at pagkatapos ay kinausap ka at sinasabi sa iyo na huwag kainin ito dahil ito ay may lason.
O Sugo ng Allah ﷺ , nawa’y isakripisyo ang aking mga magulang para sa iyo! Si Nooh alayhis salam ay nanalangin laban sa kanyang mga tao na nagsasabing, “Aking Panginoon! Huwag Kang mag-iwan sa mga hindi mananampalataya ng sinumang naninirahan sa lupa.” Kung ikaw ay nagdasal laban sa amin, walang sinuman sa amin ang makaliligtas. Ang mga hindi naniniwala ay naglagay ng mga bituka ng isang kamelyo sa iyong likod habang ikaw ay nasa sajdah. Sa Labanan sa Uhud, ginawa nilang natakpan ng dugo ang iyong mukha at nabali ang iyong ngipin. Sa kabila nito, hindi mo sila isinumpa. Sa halip, nagsumamo ka, “O Allah, patawarin mo ang aking mga tao sapagkat hindi nila alam.”
Alislaam Pagsusumikap na Buhayin ang Relihiyong Islam ng Buong buo
