Ang Sumpa ng Jibreel alayhis salam at ng Sayyiduna Rasulullah sallallahu alayhi wasallam 

Ang Sayyiduna Ka’b bin Ujrah radhiyallahu anhu ay nag-ulat ng sumusunod: Sa isang pagkakataon, tinawag ng Rasulullah sallallahu alayhi wasallam ang mga Sahaabah radhiyallahu anhum , “Hali kayo sa mimbar.” Nang magtipon kami sa paligid ng mimbar, ang Rasulullah sallallahu alayhi wasallam ay umakyat sa unang hakbang at nagsabi, “Aameen.” Pagkatapos ay umakyat siya sa pangalawang hakbang at sinabing, “Aameen.” Pagkatapos, umakyat ang Rasulullah sallallahu alayhi wasallam sa ikatlong hakbang at nagsabi, “Aameen.” Matapos ihatid ang khutbah, nang bumaba si Rasulullah sallallahu alayhi wasallam mula sa mimbar, nagtanong kami, “O Rasul ng Allah sallallahu alayhi wasallam! May narinig kaming sinabi mo ngayon na hindi namin narinig na sinabi mo noon (yun ay pagsasabi ng aameen ng tatlong beses habang umaakyat sa mimbar).” Sumagot ang Rasulullah sallallahu alayhi wasallam, “(Nang ako ay umakyat sa unang hakbang,) si Jibreel alayhis salam ay nagpakita sa aking harapan at nagsabi, ‘Kapahamakan ang para sa taong nasaksihan niya ang mapagpalang buwan ng Ramadan, gayunpaman pinabayaan niya ito nang hindi nakakuha ng kapatawaran (yun ay hindi niya natupad ang mga karapatan ng buwang ito).’ Sabi ko aameen sa Duaa na ito. Nang ako ay umakyat sa ikalawang baitang, sinabi niya, ‘Kapahamakan ang para sa taong sa kanyang harapan ay nabanggit ang iyong pangalan, gayunpaman hindi siya nag Salawat sa iyo.’ Ako ay nagsabi ng aameen sa Duaa na ito. Nang ako ay umakyat sa ikatlong baitang, sinabi niya, “Kapahamakan ang para sa taong naabutan niya ang kanyang mga magulang o isa sa kanila na matanda na, gayunpaman (dahil sa hindi paglilingkod sa kanila,) hindi sila naging daan upang siya ay makapasok sa Jannah. Sabi ko aameen sa Duaa na ito.”