Isang Daang Pangangailangan ang Tutuparin

عن جابر رضي الله عنه قال قال رسول الله صلى الله عليه وسلم من صلى علي في كل يوم مائة مرة قضى الله له مائة حاجة سبعين منها لآخرته و ثلاثين منها لدنياه (أخرجه ابن منده وقال الحافظ أبو موسى المديني: إنه غريب حسن، كذا في القول البديع صـ 277)

Iniulat ni Jaabir radhiyalahu anhu na sinabi ni Sayyiduna Rasulullah sallallahu alayhi wasallam, “Sinuman ang bumigkas ng Salawat sa akin ng isang daang beses araw-araw, tutuparin ng Allah ta’ala ang isang daan sa kanyang mga pangangailangan, pitumpu sa Kabilang Buhay at tatlumpu sa mundong ito.”

Pagbigkas ng Salawat Bago Matulog

Si Muhammad bin Sa’eed bin Mutarrif rahimahullah ay isang matuwid at banal na tao. Isinalaysay niya ang sumusunod na pangyayari:

Ginawa kong ma’mool (pang-araw-araw na ibaadah) ang pagbigkas ng isang tiyak na bilang ng Salawat sa Rasulullah sallallahu alayhi wasallam tuwing gabi sa pagtulog.

Isang gabi, nang ako ay nasa aking silid, natapos ko ang pagbigkas ng Salawat at nakatulog. Habang ako ay nakatulog, ako ay nanaginip kung saan nakita ko na ang Rasulullah sallallahu alayhi wasallam ay pumasok sa aking silid sa pamamagitan ng pintuan. Sa kanyang pagpasok, ang buong silid ay naliwanagan ng kanyang pinagpalang noor.

Ang Rasulullah sallallahu alayhi wasallam ay lumingon sa akin at nagsabi, “Iharap mo sa akin ang bibig na ito kung saan binigkas mo ang masaganang Salawat sa akin upang mahalikan ko ito.” Nahihiya akong iharap ang aking bibig sa Rasulullah sallallahu alayhi wasallam , kaya iniharap ko ang aking pisngi sa kanya. Ang Rasulullah sallallhu alayhi wasallam ay inilagay niya ang kanyang pinagpalang bibig sa aking pisngi at hinalikan ito.

Agad pagkatapos noon, nagising ako mula sa panaginip sa isang estado ng matinding pananabik at ginising ko din ang aking asawa na natutulog sa aking tabi. Sa paggising, nakita namin na ang buong silid ay napuno ng amoy ng musk dahil sa halimuyak na nagmumula sa pinagpalang katawan ng Rasulullah sallallahu alayhi wasallam. Ang halimuyak ng musk mula sa pinagpalang halik ng Rasulullah sallallahu alayhi wasallam ay nanatili sa aking pisngi sa loob ng walong araw. Sa bawat araw ng walong araw, naaamoy ng aking asawa ang halimuyak na ito sa aking pisngi. (Ad-Durrul Mandhood, pg. 187)